Қазақстандық жаңа вакцинаны сынау басталады
![Қазақстандық жаңа вакцинаны сынау басталады](https://jibekjoly.tv/storage/images/media/k2/items/cache/7b4ae3519bc882e48fa4b3d647130787_XL.jpg?t=20211020_113928)
Қазақстандық жаңа QazCoVac-P вакцинасын адамдарда сынау басталады. Препарат әзірлеушілері сынақтың екінші кезеңге өткені туралы хабарлады.
Айта кетейік, биологиялық қауіпсіздік проблемаларының ғылыми-зерттеу институты сынақтарға бірден 200 ерікті қатысатынын жеткізді. Бұл кезеңде QazCoVac-P-ның иммуногенділігі мен қауіпсіздігі зерделенеді. Әзірлеушілер бұл вакцинаның оңай тасымалданатынын атап өтті.
Сондай-ақ ғылыми-зерттеу институтының мамандары тағы екі векторлық препарат әзірлену үстінде екенін хабарлады. Мамандардың айтуынша, дельта штамына қарсы күресетін QazVac-тың модификацияланған нұсқасы дайын болуына аз қалды.